Latest News

Mitthi inbuaipui dan ennawna ngaihtuah a hun tawh niin hria.

Chief Minister Pu Lal Thanhawla chuan mitthi kan inbuaipui dan zawng zawng hi ennawna ngaihtuah ngun a hun tawh nia a hriat thu sawiin, khawtlang leh hnam tana thil \ha tur zawkah phei chuan huaisen taka ngaihdan thlak ngam te pawh a \ul tawh a ni, a ti.
He thu hi Pi Vanramchhuangi (Ruatfela nu) lehkhabu ziak, “Mitthi Privatise” tih tlangzarhna inkhawm niminpiaha Aizawl-a I&PR Auditorium-a neih a hmanpuina ah sawiin Chief Minister chuan Mizote tluka mitthi inbuaipui \hin leh insawngbawl nasa hi an tam a rin bik loh thu te, heng zawng zawngah hian mi neinung zawk leh awmtheite thiltih dan la ve a harsa leh leiba nei hial khawpa kan inbuaipui \hin dan te, thlanmual atana ram zau tak mamawh zel dan leh minungin ram a mamawh ang bawka mitthite ram hauh chungchangah thubuai hlabuai a awm theih dan te sawiin, damlo inkan a\ang reng hian kan tihdan phung tam tak hi chu kalsan ngam a hun tawh a ni, a ti a. Chutiang ang ngaihtuahna \ha tak, mi tam zawk te pawhin an vei ruk, nimahsela an sawichhuah ngam si loh, huaisen taka puangchhuaka a bu hiala buatsaihtu chungah lawmthu sawiin, khawtlang inrelbawlna thila thil thlakthleng ‘Social reformation’ nei turin hetiang mite hi ramin a mamawh \hin a ni, a ti bawk He lehkhabu phek 328 bung 23 a \henah hian mitthi insawngbawl dan chungchangte, khawtlang leh veng bil anga la lova mimal anga buaipuizui dan \ha zawk rawtna te leh a kaihhnawih thil chi hrang tam tak rawt chhuah niin khawtlang leh sorkar lam chetlakna turte pawh tarlan an ni.

Comments

Popular News (Last 30 Days)