Serchhip UPC Biak Inpui Golden Jubilee lawm mek

UPC (NEI) Serchhip Biak Inpui in kum 50 a tlin lawmna chu Zirtawp zan a\ang khan UPC Biak Inpui Ser-chhip-ah neih mek a ni.

UPC (NEI) Serchhip Biak Inpui Golden Jubilee lawmna ah hian “Ropuina kan Pathian pe r’u” tih chu thupui ah hman niin Zirtawp zan a\ang khan inkhawm neiin hun hman \an a ni a, Inrinni khan an Koh-hran chhunga nupa, Kohhran dan-a la inkutsuihlo te tan inkutsuihna hun runpui buatsaihin tuak 13 te an inkutsuih a, hemi Ni tlai lamah hian Baptisma la changlo te tan Baptisma chan runpui an buatsaih bawk. He Jubilee lawmna atan hian nimin khan inkhawmna neih leh niin Jubilee dar an vuak bakah naupang ten Baloon an chhuah bawk a, Vawiin hian ruai nen Jubilee lawmna hi neih leh a ni ang. He Jubilee lawmna neih chhung hian thuchah chi hrang hrang ngaih-thlak a nih bakah Jubilee Souviner chu tlangzarh a ni bawk a, he Biak In-a lo lawi tawh \hin mi \hahnem tak ten he hun hi an rawn hmanpui bawk a ni.