Chief Minister kaltlangin Serchhip khua in Ramlai Malsawmna a dawng tak meuh tih sawi.

Serchhip Block Congress Committee President, Pu Lalramliana Sailo chuan Pastor Chhawna Inlarna-a Ramlai Malsawmna chu Chief Minister, Pu Lal Thanhawla kaltlangin Serchhip kan dawng tak meuh a ni, a ti.

 Serchhip Block Congress Committee-a Media Cell ten ‘Serchhip Today’ tih chan-chinbu an tihchhuah thar tlangzarhna leh thuthar lakhawmtute kawmna Inrinni kalta a DHO Conference Hall, Serchhip-a neih ah he thu hi sawiin Pu Lalramliana Sailo chuan Serchhip in MLA term 6 zet Chief Minister bial kan nih chhung hian hmasawnna tam tak kan hmuh tawh thu sawiin, heng te hi hmuh hmaih theih chi a nilo tih a sawi a, tuna Chief Minister hmalakna avang hian kum 1998-ah Serchhip chu RD Block awpna a\angin District tharah siam kan nih thu sawiin, tun sorkar dinglai hnuaiah UD&PA Department hnuaia Step tam tak siama inkal-pawhna kawng \ha tak tak siam a ni te, kum 1997-a Pu Lal Thanhawla lo hawn tawh Serchhip khawpui chawmna atan Tui lakna thuam\hat leh te, Auditorium, Stadium leh Hall chi hrang hrang sak hna thawh mek te, Sa talhna tur In sak hawn mai theih tura peih tawh te, Zawlpui panna kawng \ha taka siam a nih thu te leh inkalpawhna kawngpui te pawh chei\hat a nih thu te sawiin, heng hmasawnna hrang hrangte hi hmuh hmaih theih a nih loh thu a sawi a ni.
    Serchhip Block Congress Media Cell Chairman, Pu C. Lalhminghlua kaihhruai he hunah hian Pu Lalramliana Sailo chuan hawn a nih a\ang hman theiha la awm mumallo Serchhip-a Cold Storage chu MAMCO in hman theih tura hma an lak \an leh mek thu leh Tourist Lodge pawh chhunzawm turin Tender koh a nih hnuah Contractor ten hna an thawh \an tawh thu a sawi a. Kan hma lawka MLA inthlanpui lo awm turah Candidate puan chian la awm rihlo mah se mipuite thlirna a\ang chuan Serchhip biala Candidate turte hi a chiang tawh nia a lan thu sawiin, Serchhip khawtlang hmasawnna hrang hrang thlir hian Chief Minister bial nih aia Serchhip khawchhuak bialtu MLA neih a hlawk zawkna tur an Party chuan an hrelo tih a sawi bawk. Pu Lalramliana Sailo hian Serchhip Block Congress Media Cell ten an Party mipui ten thudik an hriat theihna tura chanchinbu an tichhuak chu lawmawm a tih thu a sawi bawk. He Chanchinbu tihchhuah thar hi a chhuah hunbi tur tihfel chiah la ni lovin inthlanpui neih a nih hma chuan a remchan anga tihchhuah tum a ni a, Editor-ah Raltawnkima Kawlni chu dah a ni.