Saikhumphai-ah Border Trade Centre lungphum phum a ni.

Trade & Commerce Minister Lalrinliana Sailo chuan Zirtawpni khan Saikhumphai-ah India leh Myanmar insumdawntawnna tura Border Trade Centre lungphum a phum a, ‘Remna Bung’ phunin ‘Remna Tuk\huan’ an kil nghal bawk.

Saikhumphai hmuna inkhawm buatsaihah hian Minister chuan helai hmun hi thil duhawm lo tak lo thlen tawhna hmun ni mahse tunah chuan Pathian hminga theihnghilh vek tawh turin mipuite chu sawmin thil duhawm zawk India leh Myanmar insumdawn tawnna hmunpui pakhat Border Trade Centre bul \anna hawn a ni ta chu lawmawm a tih thu a sawi. He border trade siam nan hian Central sorkar chuan Cheng vbc. 8 a remti tawh a, tunah hian Cheng Nuai 50 chu bul lo \an nan ruahman mek a ni a, Land Development atan nuai 20, a hmunhma en felna tur (transit camp) atan Cheng nuai 15 leh ram hungna atan Cheng nuai 15 hman a nih tur thu a sawi a ni.
    Hemi hnu hian Pu Lalrinliana Sailo hian Saikhumphai khawtlang hruaitu leh Vaphai VCP-te chu mipui hmaah ko chhuakin “Remna Chibai” a inbuk tir a, Saikhumphai leh Vaphai khuate chu inrem taka awm tawh turin a ngen a. Saikhumphai Chairman Pu T.Lalchawivela chuan Saikhumphai khawi lai pawh chu Border Trade Centre atan hian an phal thu leh Saikhumphai mipuite chuan zangnadawmna engmah phut an tum loh thu a sawi a ni. Vaphai VCP Pu Saithansiama pawhin Saikhumphai nen hun engemawchen inrem lohna an neih thin chu Minister-in remna a siam tak avangin a lawm thu a sawi a, tluang tak leh inrem taka an kal chhoh ngei a beisei thu a sawi bawk a ni.