Bru raltlan te lalet turin ruahmanna peihfel thawkhat a ni.

Tripura Relief Camp-a awm Bru hote tun thla ni 30 a\anga Mizoram a lakkir lehna tur ruahmanna chu peih fel thawkhat a ni tawh.

Hemi chungchanga Home department-a Joint Secretary Pu Lalbiakzama sawi danin Bru lakkir turte hi report hnuhnung berah chuan chhungkaw 121 an ni a, anmahni-a kalna tur intum chawpin Mizoram-ah an rawn lut anga, Facilitation Centre-ah Mizoram sorkar official-te’n lo dawngsawngin Mizoram mi ngei an ni tih fiah an nih chuan an rawn kalna senso atan chhungkaw pakhat zelah Rs. 5,500 pek an ni ang a. Chumi hnu-ah an inbenbelna tur khuaah hruai an ni ang a, \un tumah hian khaw 10 chuangah an kaldarh dawn a ni. Pu Lalbiakzama chuan Facilitation Centre hi New Eden, Zomuantlang leh Kanhmun-ah te ruahman a nih thu a sawi a, hei hi Official te’n an \hutchilh anga, damdawi lam thiamte pawh dah an ni ang a. Bru lokirte kalna tur khua \heuhvah anmahni lo buaipuitu tur AO dah vek an ni dawn thu a sawi bawk. Bru lokir chhungkaw pakhat hian zangnadawmna, an inbenbelna leh Mizoram an rawn luhna senso te nen a vaiin Rs. 85,500/- \heuh an dawng anga, kum khat chhung a thlawnin ration an dawng bawk ang.
    Kum 1997 October thla-a Bru hel pawl mite’n Dampa Tiger Reserve a hnathawk Pu Lalzawmliana, Forest Guard an thah hlim khan Bru chhungkaw tam tak chu Tripura-ah pemin Mizoram ri dep North Tripura district-a Kanchanpur Sub-Division huamchhungah Relief Camp 6-ah an inbengbel a. Kum 2009 November ni 16-a lakkir leh tuma hmalak mek a nih laiin hemi hma ni 3, November ni 13 khan Bung\huam khaw mi Zarzoliana chu Bru hel hovin an kahhlum leh tak avangin lakkir chu a theihloh mai bakah engemawzat an pem chhuah belh leh ta zawk a ni.