Lenkawl

 Lungsen-ah Vawk 320 thi tawh Lunglei District chhung Lungsen khua-a Vawk hri leng mek a hmunah a enfiah hnuah AH & Vety Minister, Dr. K. Beichhua chuan nimin khan Lunglei DC Conference Hall-ah sawrkar mi pawimawh te hri a darh zau zel lohna tura hmalak dan tur a sawipui a. He hunah hian Tlabung Veterinary Officer, Dr. George Martin Lalruat-tluanga chuan nimin chawhnu dar 1:00 thlenga Lungsen-a Vawk thi tawh zat chu a vaiin 320 a nih thu sawiin, darkar 24 chhungin Vawk 44 a thi tih a sawi. Chief Veterinary Officer Tlabung Dr. K. Lalhlimpuii chuan The Prevention & Control of Infectious and Contagious Diseases in Animals Act, 2009 Section 20 behchhanin Lungsen khaw pumpui chu April ni 1 (Ningani) atanga thu leh awm hma chu Vawk hri lenna hmun (Infected Area) ah a puang tawh a ni. Kolasib DC in tlawh Kolasib District Bawrhsap, Dr. H. Lalthlang-liana chuan nimin khan Vairengte leh Saihapui V-a BSF duty-na hmun thawmthat mek leh Screening Point a tlawh a, Vairengte CHC leh Polic

Niminpiah khan Mizoram-ah Sample 1388 enfiah niin hri kai mi 36 zet hmuhchhuah leh an ni a, nikum Nov. 23-a hri kai mi 50 hmuhchhuah hnua nikhat-a hri kai hmuhchhuah an tam ber tum a ni.

Nimin zing khan Chief Minister, Zoramthanga hovin Aviation Committee chuan Lengpui Airport leh a chhehvela hmalakna hrang hrangte a hmunah an enfiah a. Hei hi March ni 31, 2021 Meeting-a Site Visit hna nei tura an lo rel tawh bawhzuina a ni.

Health Minister Dr. R. Lalthangliana chuan tuna Covid-19 hri leng rawn thawk leh meka hi mithiam ten a hma ami aia hlauhawm zawkah an ngai tih sawiin, a veitu tam tak te pawh ICU-ah awm rei hman lovin an thi deuh nual tawh nia a lan thu a sawi.

Tun thla ni 17-a Serchhip bial Assembly bye-election neih tur atana inbuatsaihna kal zelah Vawiin chawhnu hian MPF buatsaihin Thenzawl-ah Common Platform buatsaih a ni leh dawn a, Candidate mi 6 te atangin mi 5 te an tel thei dawn nia thudawn a ni.

Nimin khan Serchhip District-ah Rapid An-tigen Test hmangin Sample 3 enfiah niin COVID-19 hri kai hmuhchhuah an awmlo.

Serchhip Bial Assembly bye-election neih tur atan Political Party leh Candidate ten ngawrh takin Campaign an kalpui mek a. He inthlanna chuh tur zingah BJP, INC, MNF leh ZPM te chuan Serchhip Bazar-ah Campaign Office neiin Serchhip khaw mi bakah khaw hrang hrang mi Campaign tura rawn lut pawh an awm nual a ni.

Hriangtlang Branch KTP te chuan Serchhip Pastor Bial KTP Conference thurel bawhzuiin nimin khan Serchhip Blood Bank-a dah turin thisen Unit 21 an pe a, thisen petute hi mipa 12 leh hmeichhia 9 an ni. Heng mi tlawmngai te thisen la tur hian Serchhip Blood Bank-a thawk te an kal a ni.

Serchhip Chhim Veng-a khawsa COVID-19 hri kai hmuhchhuah a nih avangin Serchhip Chhim Veng huamchhungah chhungkaw 7 te chu In lamah an inkhunghrang mek.

Serchhip bial Assembly bye-election neih tura MPC Candidate, Vanlalruata chuan nimin khan Serchhip-ah thuthar thehdarhtute kawmin MLA nih chu a chak thu leh a duh thu sawiin, MLA atan thlantlin a nih hnua hmalak a tumna thenkhat a sawi.

Serchhip bial Assembly bye-election neih tur atan nimin atang khan kum upa leh PwDs te chuan Postal Ballot hmangin Vote an thlak tan a, ni 3 chhung Vote thlakna hun hi buatsaih a ni ang.

Mizoram hmun thenkhat-a Vawk natna hri a len mek laiin Serchhip District-a Vawk thi pawh 13 an tling tawh a, District Level Co-Ordination Committee on African Swine Fever and Other Transboundary Animal Diseases chu nimin khan thukhawmin Vawk hri leng chungchanga hmalak dan tur hrang hrang an sawiho bawk.

Serchhip bial-a BJP Candidate, Lalhriatrenga Chhangte chuan Thenzawl-ah Campaign neiin a chamchilh mek a, Mizo Kristian BJP MLA neih chu Mizoram Sawrkar tan a hlawkthlak ber dawn tih sawiin, ram leh hnam, sawrkar tan BJP MLA nihna anga hmasawnna tam tak a haichhuah theih tur thu leh haichhuah tur a awm thu a sawi a, mipuite chu amah Vote theuh turin a sawm bawk.

Niminpiah-a Serchhip Sub-Hqrs. YMA SEC thukhawm chuan Myanmar atanga raltlan te chhawmdawl dan tur chungchang sawiho in Sub-Hqrs YMA hnuaia Branch YMA zawng zawngte chu mahni Branch huamchhunga raltlan te an theih ang anga lo chhawmdawl zel nise, Central YMA in Report Form a siam sa hmangin chhinchhiah zel nise an ti bawk.

Seventh-day Adventist Kohhran-a Serchhip bialtu Pastor, Jonathan Lalthansanga chu Thenzawl bial-ah sawn niin a aiawh tura ruat, Pastor Challiandinga chuan a hna a rawn zawm tawh a, ani hi Lawngtlai atanga rawn awm a ni.

Serchhip bial Assembly bye-election neih tur atana inthlanna buaipuitu tur, Polling Official te tana Training tum hnihna chu nimin khan neih leh a ni.

Mizoram Inter-District Boxing Championship vawi 17-na chu nimin khan MIZBA Boxing Hall, Ramhlun Sports Complex, Aizawl-ah zawhfel niin Serchhip District atanga kal ten Gold 9 leh Bronze 5 lain a pumpui-ah pahnihna an ni.

Mizoram-ah COVID-19 Vaccine lak tur la zo tawh mi 18,995 awm tawhin hri danna pek hna hi tluang taka kalpui chhunzawm zel a ni.

Nimin khan Serchhip-ah COVID-19 hri kai mi pakhat hmuhchhuah leh niin ni 76 hnuah Serchhip District-ah hri kai hmuhchhuah an awm lehna hmasa ber a ni.

Serchhip Bial Assembly bye-election neih tura Indian National Congresss (INC) Candidate, PC. Laltlansanga chuan MLA atana thlantlin a nih chuan mirethei leh harsa zawk te banphak turin MLA Fund chawihniam a nih tur thu a sawi.