Tuikum Bialtu MLA hovin Samajik Adhikarita Shivir hman a ni
Kum upate leh vohbikte puala 'Samajik Adhikarita Shivir' hi Bialtu MLA leh Agriculture Minister PC. Vanlalruata chuan hmanpuiin Sawrkar laipuiin upate leh vohbikte tana ruahmanna tha tak tak a siam chu lawmawm a tih thu sawiin, “Hetiang tanpuina hian vohbikte leh kum upate nun a ti awlsamin, chhawmdawlna tha tak a ni,” a ti a. Heng Scheme pawimawh tak takte hi Mizoram mipuite'n an hlawkpui zel theih nan hma lak zel a nih tur thu a sawi bawk.
He hunah hian Sawrkar laipui flagship Scheme pakhat - Rashtriya Vayoshri Yojana (RVY) hnuaia kum 60 chunglam leh vohbik, an vaiin mi 92-te hnenah an taksa mamawh hmanraw chi hrang hrang a thlawna sem a ni a. Rashtriya Vayoshri Yojana (RVY) hi sawrkar laipui scheme niin kum 60 chin chunglamte hnenah kum upat avanga an mamawh hmanraw chi hrang hrang- Wheelchair, Beng hriatna khawl, tarmit leh a dangte a thlawnin Artificial Limbs Manufacturing Corporation of India (ALIMCO) kaltlangin sem thin a ni.