Serchhip-a Excise & Narcotics Department leh Thenzawl Joint YMA tangkawp chuan an thudawn bawhzuiin nimin zing dar 7:00 vel khan Thenzawl Venghlun-ah Heroin nia hriat Hawng nga (5) an man a, a neitu nia hriat Thenzawl Venghlun (Tourist Lodge bul)-a cheng Evy Lalramhluni (36) pawh man nghal a ni. Heng damdawi an man hi Sahbawn bawm-a dah niin gram 65.51-a rit a ni a, Excise & Narcotics Department chuan ND&PS Act 1985 hnuaiah thubuai siam sak nghalin nimin vek khan Serchhip District Court-ah hruaiin District Prison & Correctional Home, Serchhip-ah dahluh nghal a ni. Serchhip District Prison & Correctional Home-ah hian tang mipa 82 leh hmeichhia 7 an awm mek a ni.
