Sub-Hqrs. YMA ten Ruihhlo Do chungchang zirhona an buatsaih

Inrinni kalta khan Sub-Hqrs. YMA Serchhip te buatsaihin Group leh Branch YMA hrang hranga hruaitute tan Ruihhlo Do chungchang zirhona neih a ni.
Nasha Mukt Bharat Abhiyan (NMBA) hmalakna hnuaiah Central YMA chuan sawrkar laipui atangin Ruihhlo dona kawnga hmalakna tur sum leh pai dawngin hemi hmang hian tunhnai khan Sub-Hqrs. YMA leh Group YMA te tan Aizawl-ah Ruihhlo Do Training neih a lo ni tawh a. Tunah hian Group YMA leh Branch YMA tinah Ruihhlo Do chungchang zirhona hi neih leh tura ruahman a ni angin he zirhona hi Inrinni, October 31, 2026 khan Sub-Hqrs. YMA Serchhip chuan an hnuaia Group YMA te leh Branch YMA hruaitute tan Training hi an buatsaih ve leh a ni. He hunah hian Group leh Branch YMA hruaitute bakah Sub-Hqrs. YMA Kumpuan Committee leh Sub-Hqrs. YMA Anti-Drug Squad (SADS) Member te pawh telin mi 100 chuang an tel a, hetiang bawk hian Mizoram pumah Training hi neih chhoh zel tura ruahman a ni.