State Information Commissioner thar lalut
Mizoram State Information Commission (MSIC) hnuaia State Information Commissioner atan C. Zothankhuma IDAS (Retd) chu nimin khan Mizoram Larsap General (Dr) Vijay Kumar Singh chuan rinawmna thu tiam tirin a lalut.
Lok Bhavan Durbar Hall-a State Information Commissioner lakluhna hunah hian Chief Secretary mawhphurhna la mektu Sudhir Kumar IAS chuan Larsap-in State Information Commissioner atana C. Zothankhuma a ruatna lehkha a chhiar chhuak hmasa a. Hemi hnu hian Larsap chuan rinawmna thu tiam tirin Mizoram State Information Commissioner thar hi a lalut a ni. He hunah hian Chief Minister Lalduhoma, Public Works Department Minister Vanlalhlana, Rural Development & Administration Minister Prof. Lalnilawma, Adviser to Chief Minister Lalmuanpuia Punte, MLA; Lok Sabha MP Richard Vanlalhmangaiha, sawrkar mi pawimawh dangte leh chhungkhat lainate an tel a ni.
State Information Commissioner atana lakluh tak C. Zothankhuma IDAS (Retd) hi Mizo ziakmi hriat hlawh tak C. Chhuanvawra fapa niin December ni 17, 1966 khan a piang a. Thiamna lamah M.A., LLB, BCS degree nei niin kum 1991 khan Indian Defence Accounts Service (IDAS) hna a zawm a. Defence Accounts Department hnuaia hna pawimawh tak tak thawka India ram hmun hrang hranga a awm kual hnuin Registrar, Mizoram University (MZU) hna chu kum 2013-2019 inkar khan a thawk a. Hemi hnu hian Defence Accounts Department hnuaia hna pawimawh tak takte chelh chhunzawm lehin September ni 30, 2026 khan Additional Controller General of Defence Accounts, CGDA, New Delhi a chelh laiin superannuation pension-in a chhuak a, a service hun chhung hian India ram hmun hrang hranga Defence Accounts Department Office hrang hrang endikna lam mawhphurhna a chelh thin bakah pension kaihhnawih tiam lova vuivaina awmte ngaihtuahtu a ni thin bawk. C. Zothankhuma hi thu leh hla lama tuimi niin, lehkhabu 5 a ziak tawk a. An chhungkua in Tuikhuahtlang, Aizawl-ah an cheng mek a ni.
Lok Bhavan Durbar Hall-a State Information Commissioner lakluhna hunah hian Chief Secretary mawhphurhna la mektu Sudhir Kumar IAS chuan Larsap-in State Information Commissioner atana C. Zothankhuma a ruatna lehkha a chhiar chhuak hmasa a. Hemi hnu hian Larsap chuan rinawmna thu tiam tirin Mizoram State Information Commissioner thar hi a lalut a ni. He hunah hian Chief Minister Lalduhoma, Public Works Department Minister Vanlalhlana, Rural Development & Administration Minister Prof. Lalnilawma, Adviser to Chief Minister Lalmuanpuia Punte, MLA; Lok Sabha MP Richard Vanlalhmangaiha, sawrkar mi pawimawh dangte leh chhungkhat lainate an tel a ni.
State Information Commissioner atana lakluh tak C. Zothankhuma IDAS (Retd) hi Mizo ziakmi hriat hlawh tak C. Chhuanvawra fapa niin December ni 17, 1966 khan a piang a. Thiamna lamah M.A., LLB, BCS degree nei niin kum 1991 khan Indian Defence Accounts Service (IDAS) hna a zawm a. Defence Accounts Department hnuaia hna pawimawh tak tak thawka India ram hmun hrang hranga a awm kual hnuin Registrar, Mizoram University (MZU) hna chu kum 2013-2019 inkar khan a thawk a. Hemi hnu hian Defence Accounts Department hnuaia hna pawimawh tak takte chelh chhunzawm lehin September ni 30, 2026 khan Additional Controller General of Defence Accounts, CGDA, New Delhi a chelh laiin superannuation pension-in a chhuak a, a service hun chhung hian India ram hmun hrang hranga Defence Accounts Department Office hrang hrang endikna lam mawhphurhna a chelh thin bakah pension kaihhnawih tiam lova vuivaina awmte ngaihtuahtu a ni thin bawk. C. Zothankhuma hi thu leh hla lama tuimi niin, lehkhabu 5 a ziak tawk a. An chhungkua in Tuikhuahtlang, Aizawl-ah an cheng mek a ni.

