PMGSY-IV hnuaia Mizoram-a kawng 45 sialna tur Central Sawrkarin a pawm

Sawrkar laipui chuan PMGSY-IV hnuaia Mizoram-a kawng siamna tur cheng vbc. 710.40 a pawm a, heta tang hian Central sawrkarin vbc. 639.36 tumin State sawrkarin cheng vbc. 71.04 a tum thung ang.
Mizoram sawrkar hnuaia Public Works Department chuan Pradhan Mantri Gram Sadak Yojana-IV (PMGSY-IV) hnuaiah kawng 45 sial a tum chu Ministry of Rural Development hnenah proposal a thehlut a, October ni 9, 2026 khan Empowered Committee chu thukhawmin Zirtawpni khan Commissioner & Secretary, PWD chuan pawmna lehkha a dawng a ni. Ruahman dan chuan kawng 45 sial tum hi a vaiin km 509.54 a ni ang a, khua 48 tan kum tluana kal theihna tur kawng tha siam tum a ni. Hnathawh zawng zawng hi Quality Control Lab te, Geo Tagging te, Audit Report te leh thil chi hrang hrangin vila endik reng a ni ang. District hrang hranga then hranin Aizawl-ah Works 2, Champhai-ah Works 6, Kolasib-ah Works 1, Lawngtlai-ah Works 9, Lunglei-ah Works 8, Mamit-ah Works 12, Siaha-ah Works 6 leh Serchhip-ah Works 1 a awm a ni.