Dan lova pension la te zawnchhuahna kal zelah Pensioner leh Family Pension la, anmahni ngei inlan a enfiahna hun chu nimin khan Mizoram chhunga Treasury Office hrang hrangah neih tan a ni a, Pensioner leh Family Pension la, Treasury Office-a inlan te hi an Life Certificate, Marriage/Re-Marriage Certificate, Income Certificate, Adhar Card Xerox-te endik a ni a, an hmel leh Pension Payment Order-a an thlalak a inmil em tih enfiah a ni bawk a. Pensioner zinga tar chak lo leh damlohna avanga harsatna neite chu Application dang hmanga enfiah emaw, Tresury Office-a thawkten an ina kalchilhin an endik tur thu Finance Department hotute chuan an sawi a. He hmalakna hi Serchhip District Treasury-ah pawh nimin atang khan kalpui tan a ni.
