EMRS Khawbung-a hnathawh enfiah

Mizoram State Project Monitoring Committee te chuan Khawbung khuaa Eklavya Model Residential School (EMRS) sak mek chu nimin khan a hmunah kalin hnathawh an enfiah a, MSPMC te chuan a hmuna hna thawktu Contractor-te chu neitu thinlung pu a hna tha taka kalpui tur leh inkaihhruaina dan te fimkhur taka zui zel turin an chah a, an hnathawh chhunzawmna-a harsatna an neih te pawh a tul anga chinfelpui an inhuam thu an sawi bawk. EMRS Khawbung hi Mizoram EMRS Society enkawlna hnuaiah ram pum huap guidelines leh CBSE Curriculum dungzuia kalpui tur a ni a, Class VII-XII thleng zirlai mipa leh hmeichhia mi 240 ve ve leng tura ruahman a ni a. Zirlaite mamawh Hostel, Uniform, Lehkhabu leh stationery-te sawrkarin tum sakin, a Campus chhungah mipa leh hmeichhe Hostel, Laboratory, Infiamna leh rimawi zirna leh damdawi lam enkawltu te a hmunah an awm dawn a ni.