BJP Mizoram ten Aizawl-ah Democracy humhimna kawngzawh an nei

BJP Mizoram chuan nimin khan Aizawl-ah ‘Democracy humhimna la, Rorelna diklo tibo rawh’ tih thupui hmangin kawng an zawh a, he kawng-zawh hi Zarkawt kawn atanga Vanapa Hall kawt thleng neiin hun an hmang a ni, Kawngzawh tawpna Aizawl Vanapa Hall kawt-a neih ah hian Union Minister of State for Finance lo ni tawh Bhagwat Karad chuan India ram Democracy humhimna kawngzawh an huaihawt thei chu lawm-awm a tih thu a sawi a. Prime Minister Modi-a kaihhruaina hnuaiah Hmarchhak State-te chuan ngaihsak an hlawh hle tih a sawi bawk. He hunah hian BJP Mizoram State President Dr K. Beichhua pawhin Electoral Roll Special Intensive Revision (SIR) chu Mizoram-ah pawh tha tak leh tluang taka kalpui a nih thu sawiin, India ramah a kalpui tha ber pawl State a nih phak thu a sawi bawk.