ZPM in sawrkar chhunzawm tumin an bei dawn
ZPM Sr. Vice President Dr. Kenneth Chawngliana chuan Mizoram thatna turin tun atang hian sawrkar chhunzawm turin an bei zel dawn tih a sawi. ZPM Party-in nimin-a Aizawl-a Chhung Inkhawm an neih ah Dr. Kenneth Chawngliana chuan ‘ZPM hi neutral support vanga sawrkar mai mai’ an tih thin thu sawiin, “Mahni party chakna vanga sawrkar an la awm ngai lo. Thil tha duh neutral-te duh dan zelin thil tha tih hmangin sawrkar zel kan tum. Opposition-ten min sawiselna te hi kan kheng thla zat zat zel tawh ang,” a ti a. “Keini tualto party, hmun danga atanga min thununtu awm lo, mahni mipuite mamawh leh Mizoram dinhmun azir zela policy nei thin, hna lakah nise Party Office list nei ve lo, a thiam leh tlingte list chuah hria ZPM hian Mizoram thatna turin tun atang hian sawrkar chhunzawm turin kan bei zel dawn a ni,” a ti a ni.