ZOHANDCO-in Puantah khawl an sem
Mizoram Handloom & Handicrafts Development Corporation Ltd. (ZOHANDCO) chuan nimin khan Saitual District-a Rulchawm khua a Beneficiaries thlanchhuahte hnenah Puantah khawl (Frame Loom) semin ni 45 chhung awh tur Handloom Production Training an buatsaih hawnna an nei nghal a, Puantah khawl 25, Solar lighting System 21 leh Puan Ban khawl pakhat sem niin hengte hi Ministry of Textiles hnuaia Development Commissioner (Handloom) in a kalpui, National Handloom Development Programme (NHDP) Component pakhat Small Cluster atanga pek an ni.