Vanduaina tawk-a thi te ruang thlahna hun hman a ni

Zonuna Kawlni (LENKAWL) • October 3, 2026 • Comments • Mizoram

Niminpiah tlai-a Sateek dai-a lirthei chesual a boral PIB leh CBC ADG Dr. Engam Pame leh Doordarshan Aizawl Director (News) Nampibou Marinmai te chu nimin khan Aizawl atangin an ruang thlahliam a ni.

Nimin-a an ruang thlahna hunah hian Home Minister K. Sapdanga chuan vanduaina tawk - PIB leh CBC ADG Dr. Engam Pame leh Doordarshan Aizawl Director (News) Nampibou Marinmai te chu an chhungte a tawrhpui takzet tih sawiin, puih an ngaihna ah Mizoram sawrkar chu an inhawng reng tih a sawi a, Media khawvel ah channa nasa tak a ni tih a sawi bawk.

Education Minister Dr. Vanlalthlana pawhin Sateek dai-a vanduaina tawk PIB leh CBC ADG Dr. Engam Pame leh Doordarshan Aizawl Director (News) Nampibou Marinmai te chu Media lama mi ropui leh entawn tlak an ni tih sawiin, a ui takzet tih a sawi a. I&PR Minister B. Lalchhanzova’n PIB leh CBC ADG Dr. Engam Pame leh Doordarshan Aizawl Director (News) Nampibou Marinmai te thlahna hun hman a ngai ta chu pawi a tih thu sawiin, a chhungte a tawrhpui takzet tih a sawi a, Mizoram sawrkara I&PR Department te nen thawhhona tha tak an nei tih sawiin, sawrkarin an ui takzet tih a sawi.

Lok Sabha MP hlui leh Doordarshan Director General (Rtd) C. Lalrosanga chuan ruang an thlah te chu Mizoram media tih hmasawn nan mi tangkai an ni tiin an ui thu a sawi a, an chhungte a tawrhpui thu a sawi bawk. All India Radio Aizawl Director leh Mizoram Cluster Head DR. Lalropuia pawhin Sateek dai-a vanduaina tawk PIB leh CBC ADG Dr. Engam Pame leh Door-darshan Aizawl Director (News) Nampibou Marinmai te chu an ui takzet tih sawiin, Nampi chuan Mizoram-a Media hmasawnna kawngah theihtawp a chhuah thin thu leh hmasawnna tam tak a thlen thu te a sawi bawk a ni.