Sunday School inkhawmpui
Nimin Pathianni hmang khan Roman Catholic Our Lady of Assumption Parish, Serchhip chuan Sunday School Inkhawmpui chu New Serchhip-a All Saints Church-ah an nei a, thupui atan ‘Nangni in thianghlim tur a ni, kei ka thianghlim si a’ tih chu hmangin thu leh hla hmangin intihsiakna an nei a ni. Serchhip parish hnuaiah hian Kohhran 5- Our Lady of Assumption Church Serchhip; All Saints Church, New Serchhip; St. James’ Church Serchhip Dinthar; St. Anthony’s Church, Then-zawl leh St. Joseph’s Church, Hriangtlang te telin Inrinni chhun atanga nizan thleng khan hun an hmang a ni.
