State pahnih CM te inkawm

Chief Minister Lalduhoma chuan nimin khan Amaravati-a Andhra Pradesh Chief Minister chenna In-ah Andhra Pradesh Chief Minister N. Chandrababu Naidu kawmin thil pawimawh hrang hrang an sawidun a, Chief Minister Lalduhoma chuan Mizorama investment tih theihna rawn zawng tura Andhra Pradesh Chief Minister hi sawmin, a tam thei anga thawhdun tha a tih thu a hrilh a. Mizo thalaite tan Andra Pradesh-ah hnathawh tur lo dapsak turin a ngen bawk a. Andra Pradesh Chief Minister Chandrababu Naidu hian a theih ang anga an umzui tur thu a lo hrilh a ni. Chief Minister Lalduhoma hi Andhra Pradesh Minister of IT & Education, Nora Lokesh chuan a lo dawngsawng a. Nora Lokesh hi Chandrababu Naidu fapa a ni.