Sialhawk khua in kumin ah Lakhuihthei an hralh zo tawh
Khawzawl District-a Sialhawk khua chuan kumin atana an Lakhuihthei tharchhuahte chu hralh chhuak zo tawhin, a hralhna atang hian sum cheng nuai 180 vel lai an thawk chhuak. Thudawn danin, Sialhawk khuaah hian kumin hian chhungkaw 250 velin Lakhuihthei hi an ching a, hlawhtling taka tharchhuakin, kumin chhung hian Lakhuihthei quintal 12,000 vel lai an thar a, heng atang hian cheng nuai 180 vel an la lut thei a ni. An Lakhuihthei tharte hi hmun hrang hrangah hralhchhuah niin, a leitu lian zinga mi MIFCO pawhin quintal 976.12 lai a leisak a ni.