September thla ah ruihhlo vbc. 77 hu man a ni
Mizoram Police te chuan thla kalta, September 2026 chhung khan ruihhlo chi hrang hrang cheng vbc. 77 chuang hu manin heng kaihhnawih ah hian mi 38 man an ni a, an zingah hian ramdang mi 9 an tel.
Mizoram Police thuchhuah tarlan danin September thla chhung khan Heroin kg. 2.922 manin Rs. 5,84,40,000/- man nia chhut a ni a, heng kaihhnawih ah hian thubuai 16 ziahluh niin mi 19 man an ni a, an zinga mi paruk chu ramdang mi an ni. Hemi chhung hian Methamphetamine pawh kg. 78.746 manin Rs. 62,99,68,000/- man nia chhut a ni a, hemi kaihhnawih ah hian thubuai 1o ziahluh niin mi 14 an man zinga pathum te chu ramdang mi an ni bawk.
Mizoram Police thuchhuah tarlan danin September thla chhung khan Heroin kg. 2.922 manin Rs. 5,84,40,000/- man nia chhut a ni a, heng kaihhnawih ah hian thubuai 16 ziahluh niin mi 19 man an ni a, an zinga mi paruk chu ramdang mi an ni. Hemi chhung hian Methamphetamine pawh kg. 78.746 manin Rs. 62,99,68,000/- man nia chhut a ni a, hemi kaihhnawih ah hian thubuai 1o ziahluh niin mi 14 an man zinga pathum te chu ramdang mi an ni bawk.
Mizoram Police te hian September thla chhung vek khan Ganja kg. 4.22 manin Rs. 2,11,000/- man nia chhut a ni a, thubuai pakhat ziahluh niin mi pakhat man a ni a, Morphine pawh kg. 8.112 manin a hlut zawng chu Rs. 8,11,20,000/- nia chhut a nih bakah mi pakhat man a ni bawk a. Opium pawh kg. 3.7 manin Rs. 18,50,000/- man nia chhut a ni a, thubuai pakhat ziahluh niin man erawh an awm lo thung a ni. Mizoram Police ten September thla chhunga ruihhlo an man thubuai an ziahluh zinga 13 te hi Champhai District-ah niin Saitual District-ah 7, Kolasib District leh Special Narcotic PS-ah pahnih ve ve bakah Hnahthial, Mamit, Lawngtlai, Serchhip leh Khawzawl District-ah pakhat theuh an ni.
