Khawzawl District Agriculture Office kaltlangin Rashtriya Krishi Vikas Yojana (RKVY) scheme hnuaiah Tualte khuaa Nunmawia chuan kumin hian Vaimim quintal 400 zet a thar. Vaimim thartu Nunmawia hian Vaimim variety CP-808 chu kumin April thla khan Tin 15 hmunah chingin bi nuai hnih zet a chiang a. September, 2026 khan Vaimim sengin kawm 2,50,000 atanga kawm 3,00,000 vel a thar a, a vaiin quintal 400 vel zet a tling a, Nunmawia hian a huanah vawk 60 vel a vulh a, heng a Vaimim tharte hi her lehin a Vawk te chawm nan a hmang a ni.
Khawzawl DAO chuan Nunmawia hi Vaimim chi CP-808 chu quintal 1.5 vel an pe a, a chin dan inzirtirna Technical Training chu March thla khan an nei bawk a, a thlai awm lai leh a seng hnu thlengin an endik (monitor) reng a, a seng hnuah Vaimim khuhna tur silpauline fim pek a ni a, a dahkhawlna tur Thlam sakna ah DAO chuan puiin Vaimim nuaina khawl a pe bawk a ni.
