National Voluntary Blood Donation Day hman a ni
Mizoram State AIDS Control Society (MSACS); Association for Voluntary Blood Donation (AVBD) Serchhip Branch leh Blood Centre Serchhip te tangkawp buatsaiha he hun hman hi Brilliant HSS Serchhip-a NSS Programme Officer, Lalrinnunga Tochhawng chuan kaihruaiin AVBD Serchhip Branch Secretary T. Biakchamliana chuan he ni hman chhan leh midangte tana a thlawna thisen pek a pawimawh zia te sawiin, Lalhruaitluanga, Superviser, Blood Centre Serchhip-in thisen petute hriattur hrang hrang a sawi bakah Lalmuanchhani, Psychiatric Nurse, Mental Health chuan rilru hriselna chungchang a zirtir a. Thisen mamawh avanga nunna chan an awm lohna tura theihtawp chhuah tur leh thisen pe zel tura intiamna thutiam an la nghal bawk a ni.
National Voluntary Blood Donation Day hi kumtin October ni 1-ah hman thin a ni a, kumin hian thupui atan 'One Drop of humanity. Give Blood. Save Life' tih chu hman a ni a, a thlawna thisen pe thinte infuih tharna hun atan leh midang te tana thisen pekna ni atana hman thin niin nimin a hun hman zawh a nih hnu hian Brilliant Higher Secondary School NSS te hian thisen Unit 14 an pe nghal a ni.