Motor insu-ah mi pakhat thi
Nimin zing dar 10:00 vela Vairengte Chhim Veng-a Bike leh Motor (Van) insu avangin Bike khalhtu Vairengte-a UCO Bank Manager hna thawka awm, H. Ramliana (42), Mission Vengthlang Aizawl chu a hmunah a boral. Thudawn danin he Bike khalhtu Ramliana hian nimin khan Aizawl atangin Vairengte panin a In luah a thlen hmain amah tawk zawnga Truck rawn tlan, Wrong Side a rawn pelh tum Motor (Van) nen insu in amah hi per chhuakin Truck hian a lu ah a su zui a, ka pawh chhawn lohin a boral a ni. Vairengte Police te chuan a hmunah thil thlen dan enfiah nghalin Van khalhtu hi a tlanbo a, a lehpelh tum Truck (Explosive Truck) khaltu chu Vairengte Police te kutah a inp thugn a ni. He vanduaina thlenga boral Ramliana ruang hi nimin khan Postmortem niin a ruang hi an chenna ah lain vuiliam tur a ni ang.