KPP Intawhkhawm 2026 tluang taka zawhfel a ni

Kar kalta Zirtawpni zan atanga Serchhip-a neih ‘Rampum Huap Kohhran Pavalai Pawl In-tawhkhawm’ vawi 7-na chu nizan khan a tiak ta a, Palai sang li chuang an rawn kal a ni.
Mizoram Synod hnuaia Kohhran Pavalai Pawl (KPP) te Intawhkhawmna hi Zirtawpni zan atang khan Serchhip P&E Veng-a Leisekawt Mual-ah neih niin Inrinni tlai thleng khan he hun hmang tur hian Palai rawn kal inziaklut mi 4890 an awm a, heng bakah hian Palai inziaklut chiah lo leh lehlang a rawn chhim engemaw zat awmin mipui ten an hlut hle a, mipuite beisei ang erawh chuan Palai rawn kal hi an tam lo niin a lang.

Tun tum KPP Intawhkhawm ah hian Zirtawpni zan atang khan Pathian Biak Inkawm neiin Inrinni chawhnu-ah ‘Zaikhawmpui’ neih a ni a, nimin lamah nileng-a inkhawm neih a nih hnuin nizan khan Pathian Biak Inkhawm neih leh a ni a, hetah hian Synod Moderator Rev. John Raldosanga chuan Pathian thuchah a sawi a ni.