Khelo India State Centre of Excellence Mizoram in Medal 239 an la tawh
KISCE hian hlawhtlinna hrang hrang nei tawhin report hnuhnung berah Boxing-ah Gold Medal 34, Silver Medal 15 leh Bronze Medal 12 an dawng tawh tih an sawi a. Judo-ah pawh Gold Medal 31, Silver Medal 15 leh Bronze Medal 12 dawngin Weightlifting-ah pawh Gold Medal 64, Silver Medal 43 leh Bronze Medal 13 an dawn tawh thu an sawi a. Heng Medal te hi District, State, Regional leh National Level intihsiakna hrang hranga an dawn a nih thu an sawi a ni.
SYS hotute chuan Khelo India hmalakna hnuaiah hian Mizoram-a District 11-ah Khelo India Centre (KIC) 23 din a nih tawh thu an sawi a. Heng ah te hian Sports discipline hrang hrang 10 a awm thu an sawi a. KIC-ah hian khaw hranga hranga thalai infiamnaa tha te tan Sports lama hmasawnna leh phurna tam tak a pek thu sawiin, District, State leh National Level-a intihsiakna hrang hranga tel tur an chherchhuah tawh thu an sawi a ni.
Sports & Youth Services hotute chuan Mizoram-ah hlawhtling takin Khelo India scheme chu kalpui a nih thu an sawi a. Khelo India State Centre of Excellence (KISCE) chu kum 2020-21 chhung khan Salem Veng, Aizawl-ah din a ni a. Hei hian a tum ber chu thalai infiammi theihna sang tak tak nei te enkawla, an mamawh ang Training bakah hmanrua leh hmasawnna ruhrel hrang hrang ngaihtuah sak a ni a. Khelo India State Centre of Excellence-ah hian Sports discipline pathum - Boxing, Judo leh Weightlifting te awm mekin Coach tha tak tak leh Sports Science lam mithiam ten an enkawl a. Khelo India Scheme hmalakna hnuaiah vek hian Khelo India Centre din a ni bawk a. Mizoram chhung District 11-ah KIC hi 23 din a ni tawh a. District hrang hrangte hian Sports discipline hrang hrang an kalpui a ni.