Mizoram Synod enkawl tur Sethawn-a Jordan Centre hawnna leh Pathian hnena hlanna chu nimin khan neih niin Health Minister Lalrinpuii chuan khuallian niin a hmanpui a. Minister chuan Jordan Centre enkawl tur zawnna Advertisement chhuah a nih thu leh chhangtu an awm loh avanga chhuah nawn leh a nih hnuah pawh chhangtu an la awm loh thu a sawi a. Chumi hnuah Kohhran nen inbiakna an neih tak thu te, State Sawrkar leh Synod inremna angin kum 15 chhung Synod-in a enkawl dawn thu leh la tih belh zel theih a nih dawn thu te a sawi a. Jordan Centre enkawlna chu Sawrkarin Synod kutken vek turin a hlan tawp lo tih sawiin, Sawrkar chuan a tih theih ang apiang a la ti zel tho dawn tih a sawi bawk.
Nimin-a he hun hman hi Synod Executive Secretary Rev. Dr. K. Lallawmzuala chua kaihruaiin Synod Moderator Rev. John Raldosanga chuan hawngin Pathian hnenah a hlan a, Jordan Centre-a luh theih hun leh admission tih dan tur chu Managing Board-in a ngaihtuah dawn a ni.
