HM rawn zin tum thulh fel

Union Home Minister  Amit Shah-a’n nimin a Mizoram tlawh a tum chu a thulh fel a, General Administration Department hnuaia Protocol & Hospitality Wing hotute hnen atanga thudawn danin Amit Shah hian nimin-a Aizawl tlawh a tum hi a rawn sawn hla phawt a, a hnuah a thulh tak thu hi Home Minister Pisa lamin an rawn hriattir leh a ni. Union Home Minister hian tunhnai-ah hian Mizoram a rawn zin a tum hi vawi hnih a sawn hlat hnuah a thulh fel  a. Official-te sawi dan chuan September ni 24 a lo zin a tum chu October ni 1-ah sawn hla in October ni 5 a lo zin zawk turin ruahmanna siam leh a ni a. Mahse, October ni 5 a lo zin tura tih chu a rawn thulh fel leh ta a ni.