Graduation Day hmang

Nursing School Lunglei chuan nimin khan 29th Batch Graduation leh 32nd Batch Lamp Lighting hun hmangin Lunglei Municipal Council (LMC) Chairman Lalzuithanga chuan khuallian niin a hmanpui a, Nurse hna chu rawngbawlna pawimawh tak a nih avangin mahni leh In chhung khur hmalam ngawt thlira zir chi a nih loh thu leh tuina leh thiamna tak tak nena thawh chi a nih thu sawiin, hmangaihna tak tak nena thawk thei turin nuam ti tak leh taima taka zir turin zirlaite a fuih bawk a ni. He hun hi Lunglei High Powered Committee (HPC) Vice Chairman V. Malsawm-tluanga MLA pawhin hmanpuiin Nursing School Lunglei-a zirlai tha bik te tana ama sum senga a ruahman sak, ‘V. Malsawmtluanga Award’ chu a tum khatna atan a hlan nghal a ni.

Nursing School Lunglei hi December ni 17, 1995-a din niin Indian Nursing Council (INC) in phalna a pek angin kum thum (3) zir turin kumtin zirlai 20 lak thin a ni a, tun thlengin zirlai 500 chuangin zirchhuak tawhin an zirlai chhuakte hi ram chhung leh ram pawn hmun hrang hrangah hna thawka an awm thu he hunah hian tarlan a ni.