Financial Inclusion Saturation Campaign hawnna nei

Kumin October 21 atanga December 31, 2026 chhunga neih tur ‘Saturation Campaign on Financial Inclusion Schemes at Gram Panchayat Level’ hawnna chu nimin khan hmun hrang hrang ah neih a ni.

Aizawl District-ah chuan ‘Saturation Campaign of Financial Inclusion (Fi) Schemes’ hawnna hi Aibawk-ah neih niin Shivani Mohan IAS, SDC chuan he hun hi a hmanpui a, Lawngtlai-ah chuan Bethel Veng Anganwadi Centre kawt-ah he Campaign hawnna hi neiin Bawrhsap Donny Lalruatsanga chuan a hmanpui a. Khawzawl-ah chuan DC Conference Hall-ah he Campaign hawnna hi neiin Bawrhsap K. Vanlalthiana chuan a hmanpui bakah Mamit-ah chuan DC Conference Hall-ah Bawrhsap Suvigya S Chandra hovin hman a ni bawk.

Financial Inclusion Saturation Campaign neih chhung hian PMJDY account hawn, PMJJBY, PMSBY leh APY-a inziahluh, Account leh Aadhar number thlunzawm, Account muhil tih nun le, Re-KYC, CKYC leh nomination tih thar te tih tur a nih bakah Digital Banking him taka hman, sum enkawl fimkhur dan inzirtirna te neih a ni dawn a. Pradhan Mantri Jan-Dhan Yojana (PMJDY), Pradhan Mantri Suraksha Bima Yojana (PMSDY), Pradhan Mantri Jeevan Jyoti Bima Yojana (PMJJBY), leh Atal Pension Yojana (APY) chungchang inzirtirna te neih nghal tur niin khaw hrang hrangah hun hman tura ruahman a ni bawk.