Driver nei sa College ngaihtuah hmasak tum an ni
Zirtawpni kalta khan Mizo Zirlai Pawl (MZP) General Hqrs. hruaittute chuan School Education Minister Dr. Vanlalthlana chu a Pisa-ah kawmin MZP rorelna sang ber, Assembly-a rorel bawhzuina leh College hrang hrang buaina te an thlen a. MZP hruaitute chuan Mizoram chhunga College hrang hrang ten an mamawh Bus an neih theih nan Minister hnenah hian thlenin School Education Minister chuan, Mizoram chhunga College hrang hrang ten Bus an neih theih nana hmalak mek a nih thu leh Bus Driver nei sa te tan ngaihtuah hmasak a nih tur thu hi a lo hrilh a. CUET, NEET leh All India Exam-ah Mizo zirlaiten Exam Centre chungchâng ah harsatna an tawh thin avânga Mizoram-ah Computer Based Test (CBT) Exam Centre dah belh a nih theih nana hma la tura an thlan chu CBT Exam Centre neih belh a nih theih nan Computer pawh ngaihtuah belh mek a nih tawh thu leh 600 chuang lei belh leh turin ruahmanna a awm mek thu a sawi a. Zofate kan inpumkhat lehzual theih nan Sikul zirlaibu-ah Mizo hnam hrang hrangte chanchin telh a nih theih nan hmalak pui tur leh Zirlaibu-ah Mizo tawng diktak hman a nih theih nan a hmala tura an ngenna te chu Mizo hnam chi peng hrang hrang chanchin Zirlaibu-ah telh an tum thu leh Zirlaibu-a Mizo tawng dik tawk lo pawh siamthat a nih tawh thu a lo hrilh bawk a ni.