College ram buai chinfel sak turin Chief Minister ngen

Aizawl khawpui chhunga College 8-a Students' Union hruaitute chuan College ram buaina chinfel sak tur leh Finance changtu Chief Minister Lalduhoma’n Student Excursion Fund chungchanga thu a lo tiam tawhte tihlawhtlin a nih theih nan hmalaksak turin sawrkar an ngen. Hemi chungchanga thuchhuah intawm an siam a; College ram thenkhat, mimal leh pawl hrang hrangin an lo luah tawhte chu dan anga laklet nise an duh thu te, College building sak mekte pawh a rang lama chhunzawm nghal nise an duh thu leh kumin March thlaa Mizoram Legislative Assembly Budget Session-a Chief Minister Lalduhoma, Finance enkawltu in Student Excursion Fund a lo tiam tawh chu a tak ngeia dahsak nghal turin sawrkar an ngen tih an tarlang a. College hrang hrang SU te chuan an ngenna te hi tihlawhtling turin sawrkar an ngen bakah a hlawhtlin ngei theih nan lungrual taka hmalakho zel an tum thu an tarlang bawk.