Cherhlun khua in Zikhlum thar mek

Hnahthial District chhung Cherhlun khuaa Zo Zikhlum chingtute chuan tunlai hian an thawhrah sengin an Zikhlum tharchhuah an hralh mek a, nimin bikah Zikhlum hi quintal 20 chuang chu kg khat Rs. 39 in an hralhchhuak leh a, hemi hma hian quintals 100 chuang an lo hralh chhuak tawh bawk niin Zo Zihlum Society Chairman B. Vanlalsiama chuan a sawi. Cherhlun Zo Zihlum Society Chairman B. Vanlalsiama chuan, kumin-ah hian chhungkaw 36-in Zikhlum hi an ching tih sawiin, chhungkhaw khat hian Tin chanve hmun ang zel an nei a, kumin ah hian Tin 18 hmun velah an ching a, an thar zat tur hi hriat fak theih ni lo mah se quintal 800 atanga quintal 1000 vel chu an thar theih a beisei thu a sawi a, Zikhlum hi leitha (fertilizer) hmang lova enkawl a ni a, Lunglei, Serchhip, Aizawl, Lawngtlai velah an hralh thin a, Association hian Tender chhuahin a leitu tur zinga ngam huai ber hnenah an hralh mai thin tih a sawi bawk.