Winter Festival 2026 sawiho

Nimin khan Chief Minister Lalduhoma hovin Winter Festival 2026 Organising Committee chu Planning and Programme Implementation Department Conference Hall-ah thukhawmin Winter Festival 2026 hman dan tur an rel bakah nikum lama hman dan te an thlirlet a. He hunah hian Chief Minister chuan Mizoram chu Winter Capital of India-a siam an tum mek tih sawiin, “Chumi atana kan hmalakna langsar ber chu Winter Festival hi a ni a. Entrepreneurship lama Mizoram tih larna hmanrua tur a ni. Tourism Department bultuma kalpui ni mah se Department zawng zawng nena thawhho (convergence) ngai nih avangin Department hrang hrangte kan in kokhawm a. Kan Department hmalakna zawna kan lo tih ve theihte in ngaihven theuh kha kan duh a ni,” a ti.

Winter Festival 2026 hi kumin kumtawp lama hman tura ruahman niin Krismas kawngpui chei, Krismas Parade, Exhibition hrang hrang leh thildang mipuite tel theihna tur siam tura ruahman a ni bawk.