Serchhip by-pass Road dinhmun enfiah leh a ni

Serchhip District Bawrhsap Pisa hmalakna a Serchhip District chhunga National Highway-02 thawmthat hna enzui mekah nimin khan Serchhip by-pass Road chu a dinhmun enfiah leh a ni.
Serchhip Bawrhsap Pisa lamin ruahmanna an siam anga Serchhip District-a National Highway-02 dinhmun enfiah hna kal mekah hian August 22, 2026 atang khan Serchhip By-pass Road, Kikawn to Sailiamkawn thawmthat hna hi thawh tan a ni a, ni 7 chhunga zawhfel hman tura ruahman niin hemi an ghian Inrinni kalta kha hna zawhfel hun tura ruahman chu a ni a, huntiam a zawh tak avang hian nimin khan Serchhip DC Office-a SDC, Chawngthu Lalrinhlua hovin DC Office-a thawk te bakah NHIDCL leh an Contractor, KRAM Infracon Pvt. Ltd. bakah Joint VC, YMA leh MJA Member ten kawng dinhmun hi an enfiah a ni.


Tun dinhmunah Serchhip by-pass Road a kawng khuar leh lirthei tana zawh harsa zualpui chu lung hmanga hnawh ni tawhin lirthei lian leh a te chi tan pawha zawh harsa lutuk leh lirthei tan theihna tur chi a awm tawh lo niin a lang a. Chutihrual chuan kawng hnawh belh ngai erawh ala awm nual thung niin a lang a, Fur ruahtui tlak lai a nih avangin kawng hi chhe thut thei dinhmunah ala din avangin Contractor te chu uluk taka vil zui reng tura tih an ni bawk. Kumin hian Serchhip by-pass Road-ah hian leimin awm meuh lovin kawng tichhe thei dang te pawh nimin khan thlirho a ni a, heng an thil hmuh dan hrang hrangte hi Vawiin hian Bawrhsap hovin sawiho leh tur a ni ang.