Nimin August 31 kha Mizoram Presbyterian Kohhran ni pawimawh ‘Ramthar Ni’ a ni a, Kohhran hrang hrangte chuan nizan khan he ni pual hian hun an hmang a ni. Mizoram-a Presbyterian Kohhran Missionary rawn lut hmasa Rev. David Evan Jones (Zosaphluia) chuan August 31, 1897 khan rawngbawl turin Mizoram a rawn thleng a, Kum 1972-a Mizoram Synod Inkhawmpui chuan Synod Ramthar Board-in, 'August 31 Pu Zosaphluia Mizoram-a a lo thlen ni hi Synod Ramthar Ni atan hman nise' tia a rawtna chu pawmin kum 1973 atang khan August 31 chu Ramthar Ni atan hman a ni a. Mizoram Presbyterian Kohhran chuan kumin Ramthar Ni pual hian tum khat inkhawm atan programme a siam a, thupui inang 'Hawh u, lal chhungte i va hrilh ang u' tih chu zirho a ni.
.jfif)