Nursing Recruitment Drive nei

Health Minister Lalrinpuii hmalakna in nimin khan Manipal Hospital hotute chuan Health Minister hi rawn hmuin ‘Nurse Recruitment Drive’ an nei a, Directorate of Nursing leh Manipal Hospital-te tangkawpin Nursing Recruitment Drive an neih zel dan tur sawiho niin Directorate of Nursing hnuaia Recruitment Cell hmalaknain Directorate of Nursing-ah walk-in interview neih nghal a ni. He hunah hian Manipal Hospital hotute chuan Mizoram atanga damlo tam zawk an enkawl theih nana hmalakna thar an neih hrang hrangte an sawi a. Damlo khum indaihlohna avanga Day Care Centre an hawn belh - khum 35 chu Mizoram atanga damlo lokal te tan bika an ruahman thu an sawi a. Experience nei Mizo Nurse tam zawk hnathawk tura lak belh an duh thu an sawi bawk. Manipal Hospital hian India ram ah Hospital 49 an nei mek a, chung zinga Hospital 5 chu MUHCS hnuaia empanelled mek an ni.