MUHCS 2.0 a inziaklut mi nuai thum chuang an awm

Zonuna Kawlni (LENKAWL) • September 1, 2026 • Comments • Mizoram

Kumin April ni 1 atanga kalpui, Mizoram Universal Health Care Scheme (MUHCS) a inziaklut chu mi nuai 3,22,243 an ni. Assembly Fur thutkhawm neih zawh taka Jeje Lalpekhlua zawhna ziaka chhangin Health Minister Lalrinpuii chuan MUHCS 2.0 hnuaia hmang tangkaitu tur chhungkaw inziaklut te chu mipui nawlpui (General category) chhungkaw 48,091, Sawrkar hnathawk 35,325, Pensioner 11,928 leh AB PM-JAY mi nuai 2,26,899 an ni a, MUHCS 1.0 (2025-26) chhung khan MUHCS sum hmangin damlo nuai 1,08,518 enkawl an ni a, tuna hman mek MUHCS 2.0-ah hian kumin August ni 24 thleng khan damlo 31,832 enkawl an ni tawh an ni.