Mizoram House te zirchiang

Mizoram Legislative Assembly-a Subject Committee-II te chu India ram khawpui hrang hranga Mizoram House dinhmun zirchiang turin an fehchhuak mek a, he Committee hian tun thla ni 7 atanga Vawiin thleng hian India ram khawpui hrang hrang- Bengaluru, Mumbai, Kolkata leh Guwahati-a Mizoram House-te an tlawh dawn a. Heng khawpui hrang hranga Mizo mipuite tana Mizoram House pawimawhna leh tangkai dan te, Mizoram House kalpui a nih dan te, a dinhmun mekte bakah, harsatna an tawh leh hmasawnna awm theite an zirchiang anga, Report leh rawtna an neihte chu sawrkar bawhzui turin Assembly Session-ah pharh a la ni leh dawn a ni. MLA te hian Bengaluru leh Mumbai-a Mizoram House hmun tur ram kan neih mek te leh Guwahati-a In ruhrel (structure) ding sa, sak zawh loha awm te pawh tlawhin an enfiah bawk.