Mizoram hmun hrang hrangah Teachers' Day hman a ni
Zirtirtute ni hi zirna ngaisang em em tu India ram President pahnihna, Dr. Sarvepalli Radhakrishnan-a pian champhaphak lawm nan kum 1962 atang khan September ni 5-ah hman thin niin kumin hi a vawi 65-na a ni a, kumin hian Inrinni-ah a tlak avang leh September ni 4 chu chawlh a nih avangin State Working Committee rel angin nimin khan sawrkar leh private School hrang hrangah hman a ni.
Kumin-a Zirtirtute Ni pual hian rampum huapa Zirtirtu hna thawk tha chawimawina, chawimawina National Teachers Award dawng turin ram puma Zirtirtu mi 48 thlanchhuah niin an zingah hian Govt. Lunglei Electric Veng H/S Headmistress Lalnunmawii chu a tel a, September ni 5 khian New Delhi-a Vigyan Bhawan-ah President Droupati Murmu-in a hlan dawn a ni.