MISSTA Conference nei

Mizoram Secondary School Teachers’ Association (MISSTA) District. Hqrs. Serchhip chuan nimin khan Conference neiin an pawl hruaitu tur thlanna an ngei nghal.
  Serchhip District chhunga High School Zirtirtute intelkhawmna pawl, Mizoram Secondary School Teachers’ Association (MISSTA) District. Hqrs. Serchhip Conference hi Serchhip Hmar Veng YMA Hall-ah neiin an pawl Vice President, Lalthakima Khiangte chuan a kaihruai a, chawhma lamah Secretary leh Treasurer te hnen atanga Report ngaihthlak niin an President, Zorammuana leh Member dang ten thu an sawi bawk. Chawhnu lamah kum 2026-2028 chhunga MISSTA District Headquarter, Serchhip hruaitu tur thlanna nei nghalin President-ah C. Lalrammuana (Govt. JM H/S); Vice President-ah Zorammuana (Govt. Serchhip H/S) leh Treasurer-ah Lalchhanhimi (Govt. Chhiahtlang H/S) te thlan an ni bawk.