MIS ten Larsap an kawm

Zonuna Kawlni (LENKAWL) • September 4, 2026 • Comments • Mizoram

Mizoram Information Service (MIS) Officer thar, Batch of 2026 te chuan Orientation and Exposure Programme nei mekin nimin khan Larsap General (Dr) Vijay Kumar Singh chu Aizawl-a Lok Bhavan-ah an kawm a, he hunah hian Larsap chuan tunlai khawvel thu thar hriat zung zung theihna hunah Social Media-in mipui nun a luah hneh thu leh thu dik leh rintlak puanzar a pawimawh thu a sawi a, MIS Officer tharte chu thu belhchian dawl mipuite hnena thlen leh zirtirna pek kawnga pawimawh tak an nih avangin fimkhur taka hna thawk thin turin a chah a. Khawvel hmasawn zel chuan inbiakpawhna lamah pawh chak taka danglamna a thlen thu sawiin, Sawrkar thu chhuah, Scheme, Project leh Programme pawi-mawh hrang hrang puanzar leh zirtir kawngah rilru fim tak pu chunga hmalak a ngaih thu a sawi bawk.