Khauh zawka ramdang mi khuahkhirh tum a ni

Lawngtlai District-ah ramdang mi (Foreigner) lut leh chhuak khuahkhirh kawngah khauh zawka hmalak tum a ni. Nimin khan Lawngtlai Bawrhsap Donny Lalruatsanga hovin 'Enforcement of Law and Order' chungchangah thut-khawm neih niin Lawngtlai District chhunga ramdang mi (Foreigner) lut leh chhuak khuahkhirh kawng ah khauh zawka hmalak nise an ti a, September 1, 2026 atangin raltlan leh foreigner te tan In luahtir phal tawh loh nise, hemi atan hian a tul angin Deputy Commissioner Office lamin thuchhuah lo siam se, Hotel leh Homestay-ah pawh khauh zawka endikna kalpui nise an ti bawk. Heng bakah hian dik lo taka Certificate pekchhuah a awm tawh loh nan hmalak nise; Certificate diklo siam leh pechhuak thinte manchhuah a, dan anga hrem nise an ti a, chak leh tha zawka Ruihhlo do kalpui a nih theih nan leh a tisualtu leh pawikhawihtute dan anga hrem anih theih nan Police leh YLA ten theihtawp lo chhuah se an ti bawk.