High Court Judge-ah Mizo

Sawrkar laipui chuan tunkar Thawhlehni khan Mizo Judicial Officer Helen Dawngliani chu Gauhati High Court Additional Judge atan a ruat a, hemi hmalam August 18, 2026 khan Supreme Court Collegium chuan Advocate Nchumbemo Mozhui leh Judicial Officer Helen Dawngliani te chu High Court Judge atana ruat tura rawtna a lo siam tawh a, sawrkar chuan Thawhlehni khan Judge atana ruat an nihna hi a hriattirna a tichhuak a ni. Helen Dawngliani hian May 24, 2011 khan Mizoram Judicial Service hna a zawm a, thiamna lamah BA leh LLB niin Mizo zinga hmeichhe High Court Judge neih hmasak ber Justice (Rtd) Marli Vankung hnuah Helen Dawngliani hi Mizo hmeichhe High Court Judge ni leh hmasa ber a ni.