CADC-a thawktute hlawh lak loh ngaihtuah

Gauhati High Court, Aizawl Bench chuan Chakma Autonomous District Council (CADC)-a hnathawk mi 211 ten hlawh an lak loh chungchanga thubuai an thehluh chu September ni 1, 2026 khan ngaihtuahin Mizoram sawrkar, CADC Chairman leh Executive Secretary-te chu chawlhkar 4 chhunga insawifiahna pe turin a ti.

Thubuai thehluttute hi CADC Employees Association-a member te niin CADC hnuaiah hian Grade-III leh Grade-IV hnathawk lai mek an ni a. November ni 16, 2025 atanga March ni 31, 2026 thlengin an hlawh hi pek an ni lo tih an sawi a. High Court an pan hma hian thuneitute hnenah dilna vawi thum an lo thlen tawh tih sawiin, a hnuhnung ber chu May ni 5, 2026 kha niin Deputy Commissioner, Lawngtlai District-cum-Caretaker, CADC hnenah thehlutin, an thu thlen te chinfel sak an nih loh avangin Court hi an pan ta a ni.

Justice Nelson Sailo chuan he thubuai hi ngaihtuahin, thubuai ngaihtuah a nih chhung hian hnathawktute harsatna thlente ngaihtuahsak a, chinfel sak turin sawrkar thuneitute chu a dang lo tih a tarlang a. Thubuai hi chawlhkar 4 hnuah ngaihtuah leh a ni dawn tih www.jclalnunsanga.in chuan a tarlang.