Kumin chhunga African Swine Fever (ASF) vanga Serchhip District-a Vawk thi leh suat chu 2700 zet a tling ta a, AH&Vety Department in an chhinchhiahna atanga a lan danin Zirtawpni khan Thenzawl-ah Vawk thi 32 zet a awm belh leh bakah Hriangtlang-ah Vawk thi pakhat a awm leh bawk a. Hriangtlang-ah vek hian Vawk 15 suat niin Serchhip Dinthar-ah Vawk pakhat suat a ni leh bawk. Heti hian kumin chhungin Serchhip District-a Veng leh khua 21-ah ASF hri hi hmuh ni tawhin chhungkaw 633 ten an tuar tawh a, tun thlengin ASF vanga Vawk thi 1682 awm tawhin hri leng darh zel tur venna atan Vawk 1058 suat a ni tawh bawk a ni.
