Tui pump pangngai leh ta

PHE Department chuan nimin atang khan dan pangngaiin Electric khawl hmangin Tuikum lui atangin Tui an pump leh thei ta.
PHE Department ten Tuikum lui atanga Electric khawl hmanga Tui an pump-na a Electric Transformer chu tun thla ni 10 khan a chhia a, he khawl hi siam tura lak nghal ni mah se a siam chhung a rei dawn avangin Aizawl Greater WSS Phase-II a Transformer chu lo hman lailawk tura lak niin theihtawp chhuaha hmalak a nih hnuah nimin chhun dar 12:30 atang khan Electric khawl hmangin Tui hi pump theih a ni leh ta a ni. Electric Transformer hman theih loh chhung hian Diesel khawl hmangin Tui pump theih ni mah se a senso a san bakah khawl hi hman reng theih a nih loh avangin mipui ten Tui harsatna nasa tak an tawk hman a ni.