Tui Pump khaihlak dawn

PHE Department in Serchhip chawmna atana Tuikum lui atanga Tui an pump-na ah Electric Transformer a chhiat avangin mipui hnena Tui sem a khaihlak deuh dawn.
PHE Serchhip WATSAN Division-a Executive Engineer, Isaac Lalchhuan-mawia chuan Tuikum lui atanga tui pump nana an hman 500 kVA chu tunkar Thawhtanni, August 10 khan tek in a deng tih sawiin, rang taka siamtha tura hmalak nghal ni mah se siamthat mai theih a nih tak loh avangin a siamna hmunpui-ah siamtir tura hmalak nghal a nih thu a sawi a. Hei vang hian Serchhip-ah mipui mamawh ang zat tui sem theih a nih dawn loh thu sawiin, mipuite hriatthiamna an ngen a ni.

PHE Department-a thawktute chuan tuna Electric Transformer chhia siamtha tur hian a lo berah ni 15 chu ngai tura ngaih a nih thu sawiin, hemi chhung hian Diesel khawl in tui an pump dawn thu an sawi a. Diesel khawl hian ni khat ah  darkar 6-7 vel chauh pump theih a nih dawn avangin mipui mamawh phuhru khawp pump theih a nih dawn loh thu an sawi a ni.