State Protected Monument 79 zinga pahnih chu ASI hnuaiah humhalh a ni

Mizoram-a sawrkar humhalh, State Protected Monuments awm 79 zingah Archaeological Survey of India (ASI) hnuaia humhalh pahnih a awm.

Art and Culture Minister C. Lalsawivunga chuan Assembly Session-a zawhna ziaka a chhanna ah Mizoram Ancient Monuments and Archaeological Sites and Remains Act, 2001 hnuaiah Mizoram-ah sawrkarin monument a humhalh 79 a awm thu a sawi a, heng zinga pahnih - Vangchhe khuaa ‘Kawtchhuah Ropui’ leh ‘Ralven Puk’ bakah Champhai District chhung Lianpui khuaa ‘Lianpui Hmun/Lungphun Ropui’ te chu ASI hnuaiah Monuments of National Importance-ah puan a nih thu a sawi a. Kawtchhuah Ropui leh Ralven Puk te chu kum 2012 khan Monuments of National Importance-ah puan a nih thu leh Lianpui Hmun/Lungphun Ropui chuan kum 2025 khan ASI tag a dawn thu a sawi bawk.

Art and Culture Minister chuan Mizoram hmun hlui 4 dang - Mamit District Rengdil khuaa Reng Puk leh Kolalian khuaa Lung Milem, Champhai District Vangchhia khuaa Pipute Lungdawh leh Saitual District North Khawlek khuaa Ruhro puk te chu Protected Monuments-a puan tura rawtna a awm leh mek tih a sawi bawk.