Spices Board leh Agriculture Department hotute inkawm

Mizoram sawrkar-a Agriculture & Farmers’ Welfare Department leh sawrkar laipui Ministry of Commerce & Industry-a Spices Board te chu nimin khan Agriculture & Farmers' Welfare Minister,PC. Vanlalruata hovin an inkawm.
MAMB Committee Room-a inkawmna ah hian Agriculture Minister PC. Vanlalruata chuan Agriculture-a hmasawn zel theihna turin sawrkarin Farmer Producer Company (FPC) chu thawhpui a tum thu sawiin, Sawhthing tihrona khawl (Ginger drying machine) pawh sawrkarin a ngaihven mek thu a sawi a, FPC-te chu sawrkar nena an thawhhona turah theihtawp chhuah tur leh inpuahchah turin a hrilh bawk. Thlai chi hnih leh a aia tam chin rual (inter cropping) chu a ngaihpawimawh thu leh uar zawka hman a tul thu a sawi bawk.

He hunah hian Agriculture & Farmers’ Welfare Department Secretary Ramdinliani chuan Mizoram sawrkar chuan Agriculture hmasawnna turin thlai tharchhuah zat tihpun dan tur (production focused) ngawt ngaihtuah lovin, loneituten mipuite mawmawh thlai an tharchhuah theihna tur leh man tha zawka an thlai tharchhuahte hralh a nih theihna (market driven agriculture) turin ke a pen mek zel thu a sawi a. Agriculture Department Director Vanramthangi pawhin thu a sawi baw.

He inkawmna ah hian Agriculture Department leh Mission Organic Mizoram officials-te bakah Farmer Producer Company (FPC) leh Farmer Producer Organisation (FPO) aiawhte telin Spices Board aiawhin Kochi (Kerala) atangin Deputy Director BD Sharma a tel a ni.